Ekspertët shpjegojnë se ku gaboni
E keni vënë re që gjithnjë e më shpesh nuk ju kujtohet se ku i keni lënë çelësat, syzet apo çfarë ka ndodhur me lapsin që thjesht e mbanit në dorë pak sekonda më parë?
Çfarë është më e keqja, kjo lloj “ndërprerjeje” e kujtesës nuk ju ndodh vetëm kur jeni të lodhur apo të shpërqendruar, por edhe kur jeni në kulmin e forcës suaj “mendore”, transmeton Telegrafi.
Pse e humbasim kujtesën?
Së pari, le të sqarojmë se çfarë është kujtesa – aftësia për të përvetësuar, ruajtur dhe riprodhuar informacionin që secili prej nesh merr gjatë jetës. Ka dy lloje: afatgjatë dhe afatshkurtër. Marrëdhënia midis këtyre dy llojeve është individuale për secilin.
Njerëzit që kanë kujtesë më të mirë afatgjatë mësojnë vështirë, por informacioni i mësuar mbetet me ta përgjithmonë. Nga ana tjetër, me afatshkurtër ndodh e kundërta – ajo që mësohet sipërfaqësisht harrohet shpejt pas riprodhimit.